Komandi leygardag verður 2. steypakapping í estetiskum fimleiki í ítróttarhøllini á Kambsdali.

Kl. 13. byrjar kappingin fyri pinkur og smágentur, og uml. kl. 16 byrjar kappingin hjá gentum, kvinnuunglingum og kvinnum.
Aftur hesa ferð hava fleiri feløg melda til; Havnar Fimleikafelag, Fimleikafelagið Ljósið, Fimleikafelagið Flog og Støkk.

Frá Støkk luttaka tilsamans 7 lið; 3 pinkulið, 1 smágentulið, 2 gentulið og 1 kvinnuunglingalið.

Úrslitið frá 1. steypakapping verður lagt saman við úrslitinum frá hesari kappingini, og liðið, sum fær besta samanlagda úrslit, gerst steypavinnari.
Til 1. steypakapping, sum var síðst í januar mánaða, megnaðu vit at vinna gull í pinkum, smágentum og gentum. Sostatt verður sera spennandi at fylgja við í gongdini til hesa kappingina.